Мен, Жүзей Мырзахмет Аманқұлұлы, 1980 жылдың 18 маусымында Оңтүстік Қазақстан облысы, Қазығұрт ауданы, Шанақ ауылында дүниеге келдім. Ұлтым – қазақ. 1998 жылы Шымкент қаласындағы Халықаралық қазақ-араб университетіне оқуға түсіп, 2002 жылы «Дінтану және араб тілі» мамандығы бойынша «Дінтанушы, араб тілі мұғалімі» біліктілігімен бітірдім. 2003–2005 жылдары әл-Фараби атындағы Қазақ ұлттық университетінде «Дінтану» мамандығы бойынша магистратураны аяқтап, «Дінтану магистрі» ғылыми дәрежесін алдым. 2017–2020 жылдары әл-Фараби атындағы Қазақ ұлттық университетінде PhD докторантура бағдарламасы бойынша «Дінтану» мамандығында білім алдым. Қазақ, орыс, араб және түрік тілдерін еркін меңгергенмін, ағылшын тілін орта деңгейде білемін. Еңбек жолым он екі жылға жуық уақытты қамтиды. Осы кезеңде жоғары оқу орындарында және ғылыми-зерттеу саласында қызмет атқарып келемін. Мемлекеттік наградалар қатарында «Қазақстан Республикасының мәдениет және өнер саласының үздігі» төсбелгісімен марапатталғанмын. Әскери есепте «әскери аударма ісінің маманы» ретінде тіркелгенмін. Отбасылымын. Жұбайым — Абдыхалыкова Сагира Кемаловна, 1982 жылы туған. Балаларым: Жүзей Дінмұхаммед Мырзахметұлы (2013 ж.) Жүзей Ақтамберді Мырзахметұлы (2015 ж.) Жүзей Бибіфатима Мырзахметқызы (2017 ж.) Жүзей Жорабек Мырзахметұлы (2019 ж.) Жүзей Бекет Мырзахметұлы (2021 ж.)